පායා ඇතත් දිනකර අද අහස් තලේ
මහ වැහි කලුවකින් රිවි කැන් නතර කලේ
ගොම්මන් පාලුවකි සිවු දිග පොලෝ තලේ
පෙර යම තිබි සතුට නැත මා සිත ඇතුලේ
රොන් බිවු බඹරිඳුන් මලකින් සිත් විලසා
මලට මල් ගසට සලසන සෙත වෙසෙසා
ඒ සෙත සැලසු බඹරිඳු රොන් ගනු සතොසා
අවුදින් මිලින මල දුටු වැනි මගෙ මනසා
ඒ මල විකාස පද්මයක් ලෙස වේද
මිලින වුවත් යලි හිරු දැක පුබුදීද
ඒ මල් සුවඳ යලි මා සිත නගාවිද
ඈ මදහසින් යලි මා සිත පිරේවිද
1 July 2012
4 June 2012
යහපත සැදෙයි පිලිපැදතොත් මෙම වදන
පැහැනද දසන් දසුනට දුන් හසකනිනා
දෙවමින සවන් මදු විත තෙපලු බසිනා
සකොබව කුලය ගෙන දුන් මල වරු වැරිනා
පැහැයෙන් දුලද රුව සොඳ කල කිඩාරම
ලං වූ කලට වැටහෙයි දුගදෙහි තරම
රත දිදුලතත් පුෂ්පයෙ දකිනා සැවොම
අලයෙහි රස විඳුම දෙයි අවසන් සුසුම
සූ සැට රියන් දිග විජ්ජා යෂ්ටියට
එක ගුරුකමකි බල බිඳිනුව නියමකොට
නොනමෙනු එකෙක් හුයේ මහන්තත්තයට
ලියනෙමි සියළු ඔබ හිත සුව කරනකොට
මේ ලිපිය :
විවේචනාත්මක සිතුවිලි
17 May 2012
දිනයට ඉඩ දී සඳු හා සැඟවී ඔබගෙන් වෙන් වෙන්නම්
ඇවිද යන පා ලකුණු සදාකාලික වේද
අප හමුව දෙඩූ බස් සුළඟටම එක් වේද
මිතු දමක් මේ විලස නිවාලනු හැකි වේද
නොලැබුනත් හිඳින්නට සදාකල් නුඹ ළඟම
මගේ කැඩපත් පවුර පුරා ඇත නුඹ ගැනම
අප්සරා සිත්තමක් විලස එතුලින් පෙනෙන
දුලයි ඔබ නිතින නාමයෙන් අප මිතු දහම
සීත දුර හිමකරේ පෙරලමින් මතක පොත
සුමුදු මල් පෙති අගැති පිනි කඳුල රඳා නෙත
හිඳින සඳ සිතන් තව දුරක් යා යුතුව ඇත
රිසිත් තව ලියනු, ඒ හෙයින් මින් තබමි තිත
මේ ලිපිය :
කලාබර සිතුවිලි,
විප්පලම්භ සිතුවිලි
11 May 2012
රාහුල හිමි සරස්වතී තෛලෙ බීපු කතා පුවත
ශඩ් භාෂා පරමේෂර නමින් පිදුම් ලැබ ගෞරව
තොටගමුවේ ශ්රී රාහුල හිමි ගැන තතු කියමි සොඳව
සැළලිහිණිය කවිසේකර තව කවි පොත් ලියූ මැනව
කෑගලු පුර උපන් සමිඳු ලබුවයි ලොව පූජිත බව
ගාලු පුරේ විජයභාහු පිරිවෙන පුවතර වන්නේ
වෑත්තෑවෙ ගුරු හිමි යට රාහුල නම වැඩ ඉන්නේ
පිරිවෙන හැම සිත් පිනවූ ගිරවෙක් නිති කලරින්නේ
හෙළ සාහිත කසුන් සමය කල මෙපුවත සිදු වන්නේ
වෑත්තෑවෙ සමිඳු නිතර හර බර වූ බන දෙසනා
බණට වඩින කල එතුමෝ වෙසෙස් කෙමක් පිළිපදිනා
සරස්වතී මහ බල තෙල සොඳවා නැණ බෙල වඩනා
ඇඟට විසත් නැණ බෙල දෙන මාත්රාව සලකන්නා
එළු කෙන්දක් තෙලෙන් තෙමා සත් වරකුත් ගසා ඉවත
එහි ශේෂය දිවේ තියා පතයි නුවණ ලැබෙනු නියත
රාහුල හිමි ගුරුතුමාගෙ කෙම ගැන යොමවයි තම සිත
කෙතෙක් වෙයිද වැළඳුවහොත් තෙල් උගුරක් සැලසෙන සෙත
වෑත්තෑවෙ හිමි පිරිවෙන තුල නොරැඳුණු නැකත බලා
රාහුල හිමි සරස්වතී තෙල ගත්තා කටට හලා
සිහි සුන් වී අද වැටුනේ හලාහලය උඩු දුවලා
ගිරවා කෑ මොර දුන්නේ කියලා 'රාහුලය මළා'
වෑත්තෑවෙ හිමි නම වෙත මෙවූ පුවත සැළ වූවා
රාහුල හිමි සිටි අයුරින් සිදු වූ දේ සිහි වූවා
ගිලන් සමිඳු සුව කරන්න පණිවිඩයක් පැතිරෙව්වා
තන කිරි ඇති මවු වරු වෙත ඉල්ලීමක් කියවූවා
'ඕනෑනම් ඔබ සැමටම රාහුල හිමි බේරගන්න
බේත් ඔරුව පිරී යන්න තනේ තියන කිරි දොවන්න'
මගෙ බිලිඳුට සෙතක් වෙන්න මේ කල පින හේතු වෙන්න
ගමේ සිටිය කිරි මවු වරු පටන්ගත්ත කිරි දොවන්න
බේත් ඔරුව අඩක් උසට වන තෙක් මවු කිරි පිරුනේ
සිහි සුන් වූ රාහුල හිමි මවු කිරි තුල ගිල්වෙන්නේ
තෙලෙහි විසේ බලයෙන්නේ සුදු කිරි නිල් පැහැ ගන්නේ
මවු කිරි ගුණ තෙද පාමින් රාහුල හිමි සිහි එන්නේ
දුවේ පුතේ මේ පුවතේ පාඩම් කීපයක් ඇතේ
හැම දෙයක්ම නිසි පමණට වැඩි වූ තැන විපත් වෙතේ
මවු සෙනෙහෙත් මවු කිරියෙත් බලය හරිම උතුම් පුතේ
රාහුල හිමි ලියු පත පොත කියවුවහොත නැණ වැඩෙතේ
මේ ලිපිය :
සරල පද වැල්
ලියනකොට හිටියේ :
81 Algar Rd, Stoke-on-Trent, ST4 6RS, UK
5 May 2012
පින්බර වෙසඟ සැම සිත් සුවපත් වේවා
දින දින ගෙවා මරු අභිමුකයට ............. යන්නේ
දිවි තරඟයෙන් ඉසි කෝ මන් ......... පිරවෙන්නේ
මසිතට කුමක් විද මමවත් නැහැ .......... දන්නේ
කලබල දිවිය චංචල සිත සිහි ................ කරවා
සිත අව්ලුවන ගිනි දැල් වෙත සිත ........ යොමවා
පැතිරෙන වෙසක් සඳ කිරණින් සිත ....... නහවා
සල සිත තෙදස නිවුමට වෙහෙසෙමු .. සොඳවා
ලොවුතුරු මහත් සම්බුදු බව .......... ලබන්නට
පිටදුන් වෙසෙස් බෝ රදුනගෙ .......... අභියසට
පිබිදුනු සුපුන් සඳ දැක බෝ පත් ........... මැදට
ඉටවමු උතුම් සදහම් මග .............. සරන්නට
සකල සිත්හි ඉසි කෝ මන් දුරු ........... වේවා
සිල් සුව ලැබේවා මෙත් මල් ........... පිබිදේවා
සව් සිව් දේහි අනියත තතු .......... වැටහේවා
සැම සතහටම නිවන් සුමග ....... සැලසේවා
සීත හිම රටක සිට
වෙසක් සඳ දකින විට
කලාබර කවි කම
ලියවුනා සදැස මට!!
වෙසක් සඳ දකින විට
කලාබර කවි කම
ලියවුනා සදැස මට!!
මේ ලිපිය :
කලාබර සිතුවිලි,
දැහැමි සිතිවිලි
ලියනකොට හිටියේ :
Stoke-on-Trent ST4 6RS, UK
3 May 2012
වෙසක් කූඩුව
පන්සලේ ඉස්සරහ වත්තේ
පුවක් කඳ සිටුවලා ඇත්තේ
මල් පැලක් තුල පහන දැල්වේ
වෙසඟ ළඟ බව සිහිය නැගුනේ
මේ දසුන නෙත ගැටුන විටනේ
සොයුරු සමගින් එක්ව වෙසඟට
කුඩු හැදුමට පටන් ගැනුනේ
මවු කූඩුවට පැටවූ හතරයි
ශ්වේත පැහැයෙන් නයන පිනවයි
ප්රභාෂර මද රැසින් දිලිසෙන
සිහින් රැලි මද පවනෙ ලෙල දෙයි
වෙසක් කුඩුවෙ පහන් දල්වා
නැරඹුවෙමු අඹ ගසෙහි එලවා
ගිනි නැගුණි කුඩුවම දල්වා
මෙතෙක් වේලා දිලි දිලී සිට
පහන් කූඩුව දැවෙයි ගිනි වට
අපේ සිත් සෝ දුකෙහි දවමින්
දැවුනු අළු පතිත වෙයි මිහි පිට
හිමි දෙසූ බන සිතට නැගුනේ
අනිති ධර්මය මෙහෙහි කෙරුනේ
උතුම් සදහම් සිහිය නගමින
දුකට පත් සිත සනසගන්නේ
2005 වසරේ එක්තරා දිනෙක මේ සංකල්පනා පැදියකට පෙරලූ කිවි මම්ම වේයැ
මේ ලිපිය :
දැහැමි සිතිවිලි,
සරල පද වැල්
ලියනකොට හිටියේ :
81 Algar Rd, Stoke-on-Trent, ST4 6RS, UK
2 May 2012
ලොව්තුරු උතුම් පදවිය හිමි උනි මටද
බෝල් පිනි පොකුරු හිරිකඩ වැසි වැටෙන තුරු
මීදුම ගලන තුරු වන මල් පිපෙන තුරු
දහසක් සටන් හදවත් ඉරිතලන තුරු
ලය තෙත් උන ඇගෙ සෝ හඬ ඇසෙන තුරු
කිසි අදහසක් නොදිටිමි දෙන පහන් සිළු
සෙවනැලි වැටී ඇත ගෙය හැමතැනදී ගොලු
දොර හැර ගියෙමි රැහි පලගැටි හඬය රලු
උඳුවප් මහේ සඳ මොර ඇති රෑක
සීතල නිය තුඩින් ගත රලු වුනු දාක
ගැබ්බර අහස හඬවා නිවමින් සෝක
පිනිබර සමන් සුවඳක් විහිදුනි මෙලෙක
තරණය කළෙමි කඳු හෙල් සැඩ ගං පතර
අදවස තරම් වෙහෙසක් නොදැනිනි නිතර
කවදා කොතනකදි හෝ මේ වැලි කතර
නොදිටිමි සිහිල් සුවයක් ඔහු ළඟ විතර
මුළු ලොව යස ඉසුරු මදි බව සිතෙන විට
ඉර හඬ කනක තරු පොඩි බැඳ එකතු කොට
දෙව් පඬුරකට ලැබුනොත් අස් ඉදිරිපිට
ඔබගේ සුසුමකට නොවටී පුතුනි මට
උරුමය සමග ලය මැද්දෙන් ගලන ගඟේ
සෙසු යස ඉසුරු පවරමි හැම එකම වගේ
ඈ තුල මැවුනු මා වැනි මේ පුරුක දිගේ
සවි වෙයි ඇගේ තුරුලට ඇති බැඳුම මගේ
පිය සෙනෙහස පීදෙන යුරු මවු නෙත සිහිනෙන් දුටු... කිවිඳිය මවුම වේයැ.
මේ ලිපිය :
ආදරණිය සිතුවිලි,
කලාබර සිතුවිලි
1 May 2012
මතක පොත පිටු අතර මිතු දමක් සැඟවුනේ
කඳුළ හසරැලි අතර කෙලි දෙලින් උන් දිනේ
අරුමෙකැයි හෝරාව කීම හනික නිම උනේ
සුවඳ මල් අතර බිඟු සමනලුන් සිටි වනේ
දයාබර මිතු දමක අපේ කෙටි කතාවේ
මතකයන් පමණි මා සන්තකව පැවතුනේ
වැල්ලෙ එබි පිය ලකුණු රැල්ල නොදසුන් කළේ
පැය කටුව නොඑන් මා වෙතට රැල්ලක් ලෙසේ
වකෙනු ඉඩ සර නැතත් කරන සර යලි දිනක
රැඳෙනු අවසර නැතත් නයන තිර කිසි දිනෙක
අද විලස හමු වන්න නොලැබුනත් මතු දිනෙක
ශිලා කැටයමක් වී හිඳින් ළඟ හැම දිනක
නැගෙන සොමි කැන් යටින් තරු සන්ගවෙනා ලෙසේ
කාලයේ සැඟවුනත් මිතු දහම යම් ලෙසේ
නොමියී දිලේ යුග තාරකාවක් ලෙසේ
සබඳ ඔබ... සබඳ ඔබ... කිම් ලියම් කොයි ලෙසේ?!
මේ ලිපිය :
විප්පලම්භ සිතුවිලි
30 April 2012
උසස් පෙළ අත ලඟයි
මා ඇඟිලි තුඩු අතර
සිරවගත් පැන්සලයි
නිදිබරව පියවෙනා
නිවුටන් ඩෝල්ටන්
පොර බදින මගෙ සිතයි
මඳක් ඈතින් ඇසෙන
මියුරු සත් සර නද යි
මා පසෙක හුනියම
කෙටි තැපැල් පෝලිමයි
මෑණියන් හදා දුන්
උණු කෝපි ජෝගුවයි
මාස දෙකකින් ලබන
උසස් පෙළ අත ලඟයි
මේ සෑම දේ කැටුව
මා ගමන කොයි බටයි?
2009 වසරේ ජුනි මස එක්තරා රාත්රියක කාන්සිය මැකෙනු වස් මාතින් ලියවුනු පැදි පෙළකි.
මේ ලිපිය :
සරල පද වැල්,
හාස්යජනක පද වැල්
29 April 2012
පුතා කවදද ආයේ එන්නේ?
හඹා ගොස් රුපු ඔද බිඳින්නට
ලක් මවගේ නම බබලවන්නට
පෙවූ කිරි වල ණය ගෙවන්නට
පුතා ගොස් ඇත රට රකින්නට
ගියත් හරි ලොකු පුතා ගෙදරින්
නිහඬතාවය නිවස පිරුණේ
සවන පිරවූ රේඩියෝවද
අද තනිව මුනිවත රකින්නේ
රෑ දවල් දෙක රැඟුම් පෙන්වූ රුප පෙට්ටිය හූල්ලනවා
පවන සමගින් ඔට්ටු ඇල්ලු සයිකලය මුල්ලක නිදනවා
රංචු ගැහෙමින් රෑනේ ඉගිලුන යහළුවන් පුතු ගැන අහනවා
නන්ද මාමල අයිය අක්කල ලියුම් කරදහි
ගැන අහනවා
දිවා රෑ පුතු කනේ ඇලවුණු
හැන්ඩ් ෆෝනය මල්ලි ගත්තා
සතියකට පෙර පුතා හොයලා
ගෑනු ළමයෙක් call කෙරුවා
කඳවුරට ගිය දිනම පුතු එවූ
පුංචි ලියමන ඊයේ ලැබුන
"අම්මේ ආමී..... ලඟදි නේවී..."
කියා පුතු එහි ලියල තිබුනා
තැපෑලෙන් එන දෙනෝදාහක්
අඳුරු නිවසට එලිය අරගෙන
පුතා කවදද ආයේ එන්නේ?
කොතලාවල ආරක්ෂක විශ්ව විද්යාලයේ ඉගෙනුම ලබන මගේ සොයුරා (කුසල් මුණසිංහ) ගේ නිර්මාණයක්
ඔබමය ඔබම පමණය සිත සැනසීම
තිර පට මදිය ගත සීතල නිවන්නට
සුරඟන මදිය රුව නෙත අස්වසන්නට
පන්සිළු මදිය සුරු දෙසවන පිනන්නට
මේ දුර මදිය සිත තනිකම දැනෙන්නට
ඡායා ලුහුබඳින්නේ අළු තිබෙන තුරා
පායා සඳ දිලෙන්නේ හිරු තිබෙන තුරා
රුවනා රැලි නගන්නේ නල හමන තුරා
සිත් බැමි නොම ලිහෙන්නේ පිරිනිමෙන තුරා
හිඳගෙන සිටිමි ඇකයේ ඉන්නේ නුඹය
සැතපී සිටිමි තුරුලේ ඉන්නේ නුඹය
සක්මන් කරමි අත ගෙන එන්නේ නුඹය
ගත ළඟ නැතත් සිත හා වාසය නුඹය
මේ ලිපිය :
ආදරණිය සිතුවිලි,
ඍන්ගාර සිතුවිලි
කලාකරුවාණනි ඔබ...
කලා කරුවාණනි ඔබ
කැටපතක් වැන්න නිර්මල මනස
ග්රහණය නොකරයි කිසිවක්, ප්රතික්ෂේප නොකරී කිසිවක්
ලබාගන්නා නමුදු, තබාගන්නේ නැතිය.
සිතුවමත්, සංගීතයත් මවන විටත් විඳින විටත්
රැඳෙයි සිත එකම අරමුණක. නිර්මලයි සිත එවිට.
කලාව රාගය සම්මිශ්රය, එසේ උවද,
කලාව යම් පමනින් උසස් වේද..
එපමණකින්ම දුරු වී යයි රාගය.
Subscribe to:
Posts (Atom)